საფრანგეთის მთავარი პროკურორის ფრანსუა მოლინსის განცხადებით, გუშინ პარიზში მომხდარი ტერაქტის ორგანიზატორის ვინაობა ცნობილია, - ამის შესახებ France Press იუწყება.

როგორც მოლინსმა ჟურნალისტებს გამართულ პრესკონფერენციაზე განუცხადა, გამოძიების ინტერესებიდან გამომდინარე, ორგანიზატორის ვინაობა არ სახელდება.

ამასთან, ფრანგული ტელეკომპანია BFM-ის ცნობით, თავდამსხმელი 39 წლის კარიმ ს.-ა.

გარდა ამისა, ფრანგი სამართალდამცველების ინფორმაციით, ეჭვმიტანილი, რომელმაც პარიზის ცენტრში გუშინ ტერაქტი მოაწყო, წარმოაშობით ფრანგია. 

"ისლამური სახელმწიფოს" ინფორმაციით კი, თავდამსხმელი დაჯგუფების "ბოევიკია" და წარმოშობით ბელგიელია.

აღნიშნული განცხადება ISIS-მ მასთან დაახლოებული საინფორმაციო სააგენტო AMAQ-ის მეშვეობით გაავრცელა. 

მათივე ინფორმაციით,  სწორედ კარიმ ს.-ს  სახელზე გამოწერილი მანქანის საბუთები თავდამსხმელის ავტომანქანაში იპოვეს.

შეგახსენებთ, რომ პარიზის ცენტრში უცნობმა პირმა ცეცხლი გახსნა, რის შედეგადაც ერთი სამართალდამცველი დაიღუპა, კიდევ 2 დაშავდა. ცნობისთვის, ერთი თავდამსხმელი ლიკვიდირებულია. მეორემ კი ადგილიდან მიმალვა მოახერხა. ტერაქტზე პასუხისმგებლობა "ისლამურმა სახელმწიფომ" აიღო. 

საფრანგეთის პოლიციამ თავდამსხმელის სავარაუდო თანამზრახველზე ძებნა გამოაცხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ