იერუსალიმში ბრიტანელ ქალს შეიარაღებული მამაკაცი თავს დაესხა, - ამის შესახებ BBC იუწყება.

შემთხვევა ტრამვაიში მოხდა.

მედია საშუალების ინფორმაციით, ტურისტი ქალი საავადმყოფოში გადაიყვანეს, თუმცა მისი გადარჩენა ვერ მოხერხდა. მას ჭრილობები ცივი იარაღით ჰქონდა მიყენებული.

ისრაელის სახელმწიფო უსაფრთხოების სააგენტოს განცხადებით, თავდამსხმელი, 57 წლის პალესტინელია.

ადგილობრივი მედიის ცნობით, მამაკაცი ფსიქიურად აშლილია. სამართალდამცველებმა ის დააკავეს და მისი დაკითხვა მიმდინარეობს.

ცნობისთვის, ვითარება ისრაელში 2015 წლის შემოდგომაზე გამწვავდა. იერუსალიმში და სხვა ქალაქებში, რომლებიც გაზას სექტორის საზღვართან იმყოფებიან, პალესტინელები თავდასხმებს ცივი და ცეცხლსასროლი იარაღით ახორციელებდნენ. აღსანიშნავია, რომ მსგავსი თავდასხმები ბოლო პერიოდის განმავლობაში იშვიათი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის