შრომის, ჯანმრთელობისა და სოციალური დაცვის მინისტრის დავით სერგეენკოს მტკიცებით, გადაუდებელი დახმარების დაფინანსება არ შეცვლილა და ის კვლავ 100 %-ით ფინანსდება.

„პასუხს ვაგებ ჩემს ნათქვამზე, რომ გადაუდებელი დახმარების დაფინანსება არ შეცვლილა და იგი კვლავ ფინანსდება იმ წესით, როგორც იყო აქამდე. კერძოდ, 100%-ით“,- განაცხადა დავით სერგეენკომ.

ცნობისთვის, გავრცელდა ინფორმაცია, რომ სახელმწიფო გადაუდებელ დახმარებას 100%-ის ნაცვლად, 70%-ით აფინანსებს.

ამასთან, დავით სერგეენკოს ჰკითხეს, იგეგმება თუ არა საზღვარზე შემოტანილი მედიკამენტების მაკონტროლებელი სისტემის გამკაცრება.

როგორც მინისტრმა აღნიშნა, ყველა მედიკამენტის გაკონტროლება წარმოუდგენელია და არცაა საჭირო. უბრალოდ, სერგეენკოს განცხადებით, არსებობს რამდენიმე კრიტიკული წერტილი, რომელიც დაცული უნდა იყოს.

„გამკაცრება ამ სიტყვის მნიშვნელობით არ იგეგმება. იგეგმება მოწესრიგება. რა თქმა უნდა,თუ კერძო პირს უფლება აქვს, რომ ჩანთით შემოიტანოს მედიკამენტი, ის ვერ იქნება მაღალი ხარისხის გარანტი. თუმცა, თუ მაღალი რეპუტაციის კომპანია შემოიტანს მედიკამენტს გარანტირებული ხარისხით, მაგრამ შემდგომში, საზღვრის გადმოკვეთიდან იქამდე, სანამ პაციენტის ორგანიზმში მოხვდება, არ იქნება მთლიანი ჯაჭვი დაცული, არც ეს არის გარანტია. მთლიანად ჯაჭვში ვგულისხმობ შენახვის პირობებს, სწორად გამოწერილი დანიშნულების დაცვის პირობებს, ვაქცინების შემთხვევაში ცივი ჯაჭვის დაცვას, ანუ უნდა იყოს არაუმეტეს 6 გრადუსისა. მედიკამენტების ხარისხის კონტროლი არის გრძელი ჯაჭვი, სადაც ერთი რგოლის ამოვარდნაც ყველაფერს აზრს უკარგავს და მედიკამენტის ხარისხის კონტროლის გამკაცრება არის მნიშვნელოვანი, მაგრამ არის  ერთ-ერთი ძალიან გრძელ  ჯაჭვში, რასაც მედიკამენტების ხარიხსის კონტროლი ჰქვია. ყველა მედიკამენტის, ყველა ტაბლეტის, თუ ამპულის გაკონტროლება არ არის საჭირო და ეს წარმოუდგენელიცაა. არსებობს რამდენიმე კრიტიკული წერტილი, რომელიც დაცული უნდა იყოს. ეს არის: ნედლეულის, ან მზა მედიკამენტის საზღვრის გადმოკვეთის მომენტში, მისი სერთიფიცირების შემოწმება, იმ სალიცენზიო პირობების განსაზღვრა, სადაც ეს მედიკამენტები უნდა იყოს შენახული, აფთიაქებში შენახვის პირობა,მედიკამენტის უსაფრთხო გაცემისა და  რეცეპტის ინსტიტუტის აღდგენა ამის უმნიშვნელოვანესი ნაწილი იყო და თავიდან აცილება ექიმების მიერ არასაჭირო მედიკამენტების დანიშვნის. გარდა ამისა, ეს არის ხარისხის კონტროლის ლაბორატორია, რომელიც წელსვე ამუშავდება, მედიკამენტების ქიუმიური ანალიზის. ანუ ეს არის საერთაშორისოდ ცნობილი, მაგრამ ჩვენთან ჯერჯერობით არ დანერგილი და იმედი მაქვს, ეს ყველაფერი დაინერგება წელს“,- განაცხადა სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათში გამჯდარია და გარანტია აქვთ დაუსჯელობის სინდრომის - სამუშია პოლიციელებზე

კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება

ქართული ოცნების პოლიტიკის გარდაუვალი შედეგია – თავისუფლების მოედანი გორში მომხდარზე

მეუფე ზენონი: პოლიციელების მსგავსი ქმედებები მხოლოდ ფიზიკური ძალადობის ფაქტი არ არის - ეს ტოვებს ყველაზე დამთრგუნველ კვალს