„ორლის“ აეროპორტში მომხდარი თავდასხმა შესაძლოა, პარიზის ჩრდილოეთით პოლიციისთვის მოულოდნელ ცეცხლის გახსნას უკავშირდებოდეს.

როგორც BBC წერს, დღეს დილით 7 საათზე პარიზის ჩრდილოეთ ნაწილში პოლიციამ მანქანა გააჩერა და მძღოლს საბუთების წარდგენა სთხოვა.

საბუთების წარდგენისთანავე მძღოლმა პოლიციას ცეცხლი გაუხსნა,  სხვა მანქანა გაიტაცა და გაიქცა.

„ორლის“ აეროპორტში კი, რომელიც პარიზის სამხრეთ ნაწილში მდებარეობს სამხედრო პოლიციაზე თავდასხმა 90 წუთის შემდეგ -  8:30-ზე მოხდა.

აღსანიშნავია, რომ გატაცებული მანქანა „ორლის“ აეროპორტის ავტოსადგომზე აღმოაჩინეს. მასში საბუთები და სისხლიანი სამოსი იყო.

შეგახსენებთ, რომ „ორლის“ აეროპორტში სროლის შედეგად მამაკაცი გარდაიცვალა. მას უსაფრთხოების სამსახურმა მაშინ ესროლა, როცა პოლიციელისთვის იარაღის წართმევას ცდილობდა. 

მომხდარის გამო "ორლის" აეროპორტი დაიხურა, რადგან უსაფრთხოების სამსახურის თქმით, შემთხვევა მგზავრებისთვის ექსტრემალურად საშიში იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია