„თავისუფალი სავაჭრო სივრცის შეთანხმების სრულად ამოქმედების შემდგომ, ჩვენი წინასწარი პროგნოზით  ექსპორტი დამატებით 12.4%–ით, იმპორტი კი 7.5%–ით გაიზრდება“, – ამის შესახებ საქართველოს პრემიერ–მინისტრმა ირაკლი ღარიბაშვილმა ქართულ–ესტონურ ბიზნესფორუმზე განაცხადა. 

მისივე თქმით, ბოლო 2 წელიწადში,  ექსპორტი 24%–ით გაიზარდა. 

„მნიშვნელოვნად გაიზარდა საქართველოს ეკონომიკური პოტენციალი და საექსპორტო შესაძლებლობები.  2 წელიწადში  ექსპორტი 24 %–ით გაიზარდა. ამ პერიოდში ევროკავშირთან ექსპორტი  70%–ით გაიზარდა, რაც ძალიან მნიშვნელოვანი მიღწევაა.

ღრმა და ყოვლისმომცველი თავისუფალი სავაჭრო სივრცის შეთანხმების სრულად ამოქმედების შემდგომ, ჩვენი წინასწარი პროგნოზით ექსპორტი დამატებით 12.4%–ით გაიზრდება, იმპორტი კი 7.5%–ით“, – აღნიშნა ღარიბაშვილმა.

პრემიერის განცხადებით, ექპორტისა და იპორტის ზრდა, საქართველოში ინვესტიციების მოზიდვის კუთხით, ახალ შესაძლებლობებს გააჩენს.  

„თავისუფალი სავაჭრო სივრცის შეთანხმების ამოქმედებით, ჩვენ შეგვიძლია  ინვესტორებს შევთავაზოთ ევროპული ბიზნესგარემო, შესანიშნავი ადგილმდებარეობა, წვდომა უკვე 900 მილიონიან ბაზარზე.  ამ შეთანხმებასთან ერთად ჩვენ გვექნება გარანტია პრეფერენციების გენერალიზებული სისტემა 8 ქვეყანასთან აშშ–ს ჩათვლით და თავისუფალი სავაჭრო რეჟიმი თურქეთსა და დსთ–ს ქვეყნებთან“, – განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს