2015-03-31 15:54:26, 421 ნახვა

---

ტარიელ ლონდარიძე: გულდასაწყვეტია, რომ პრეზიდენტის გამოსვლისას პარლამენტში ხელისუფლების სკამები ცარიელია

"აღსანიშნავია დღეა, რომ პრეზიდენტი პარლამენტში იმყოფება, თუმცა გულდასაწყვეტია, რომ ხელისუფლების სკამები ცარიელია და ისინი ამ გამოსვლას არ ესწრებიან",-ამის შესახებ ფრაქცია "ნაციონალური მოძრაობა რეგიონების" თავმჯდომარე ტარიელ ლონდარიძემ პარლამენტში განაცხადა.

მისივე თქმით, პრეზიდენტის ყოველწლიურ მოხსენებაზე მთავრობის წევრების არ დასწრება არა მხოლოდ პრეზიდენტის ინსტიტუტის უპატივცემულობა, არამედ იმ მოქალაქეების უპატივცემულობაცაა, რომლებმაც "ქართულ ოცნებას" ხმა მისცა.

"აღსანიშნავი დღეა, რომ პრეზიდენტი იმყოფება ჩვენთან პარლამენტში, მაგრამ გულდასაწყვეტია ის ფაქტი, რომ ამ გამოსვლას არ ესწრება ხელისუფლება და ხელისუფლების სკამები ცარიელია.ეს ჩემთვის არის მიუღებელი და გამოხატავს უპატივცემულობას პრეზიდენტის ინსტიტუტის მიმართ, პარლამენტის მიმართ და ეს არ არის მარტო უშუალოდ პრეზიდენტის, ან პარლამენტის წევრების მიმართ უპატივცემულობა, არამედ არის იმ საზოგადოების, იმ მოქალაქეების  უპატივცემულობა, რომლებმაც აირჩიეს პირდაპირი წესით პრეზიდენტი და აგვირჩია  თითოეული ჩვენთაგანი და წარმოვადგენთ ქართულ საზოგადოებას. ამ ყველაფერს დღევანდელმა ხელისუფლებამ ხელი კრა ",-განაცხადა ტარიელ ლონდარიძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი