თურქეთში, ტერორისტულ დაჯგუფება „ისლამურ სახელმწიფოსთან" კავშირში ეჭვმიტანილი 763-ზე მეტი ადამიანი დააკავეს, - ამის შესახებ Anadolu იუწყება.

მედია საშუალების ინფორმაციით, სპეცოპერაცია ქვეყნის მასშტაბით, მათ შორის სტამბოლში, ანკარაში, გაზიანტეპსა და იზმირში მიმდინარეობდა. ანკარაში, სპეცოპერაციის შედეგად 60 ადამიანი დააკავეს, მათი უმრავლესობა უცხოელია.

ამასთან, ყველაზე მასშტაბური რეიდი შანლიურფას პროვინციაში განხორციელდა, სადაც 100-ზე მეტი ეჭვმიტანილი დააკავეს.

2016 წელს თურქეთში რამდენიმე თავდასხმა მოხდა, რომლის ორგანიზებაში, ადგილობრივი ხელისუფლება ქურთ სეპარატისტებსა და ჯიჰადისტებს ადანაშაულებს.

შეგახსენებთ, რომ ახალი წლის ღამეს, "ისლამური სახელმწიფო" ღამის კლუბ "რეინას" დაესხა თავს, რის შედეგადაც 39 ადამიანი დაიღუპა, მათ შორის უცხო ქვეყნის მოქალაქეები.

ცნობისთვის, თავდასხმიდან 2 კვირაში სამართალდამცველებმა უზბეკეთის მოქალაქე აბდულკადირ მაშარიპოვი დააკავეს, რომელის კლუბზე თავდასხმაშია ეჭვმიტანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია