პარლამენტის თავმჯდომარის პირველი მოადგილე თამარ ჩუგოშვილი მიიჩნევს, რომ ამ ეტაპზე, საკანონმდებლო ორგანოში შინაგან საქმეთა და თავდაცვის მინისტრების მისვლის აუცილებლობა არ არსებობს. 

ჩუგოშვილის თქმით, დაუსრულებელი სპეკულაციები ძალიან სამწუხაროა.

„ოპოზიციის ოპონირება მესმის, რადგან ეს ჯანსაღი და ნორმალური პროცესია, მაგრამ ოპონირება, ალბათ, იმ თემებზე უნდა მიდიოდეს, რასაც მართლა შეიძლება ჰქონდეს საფუძველი და რაც მართლა კრიტიკას იმსახურებს. რაღაცების მოგონება, პრობლემების შეთხზვა და საზოგადოების აღელვება რაღაც თემებზე, არ მგონია, რომ კარგი საქმე იყოს. რაც შეეხება ამ კონკრეტულ თემებს, ცერცვაძეს და სხვა სამხედროების საკითხს, როგორც ვიცი, შს სამინისტრო აპირებს ბრიფინგის გამართვას და ინფორმაციის წარმოდგენას საზოგადოებისთვის მონაცემებთან დაკავშირებით. რამდენადაც მაქვს ინფორმაცია, ყველაფერი კეთდება, რომ პირველ რიგში, ამ სამხედროების უსაფრთხოება იყოს დაცული და ამაზე მუშაობა მიდის", - განაცხადა თამარ ჩუგოშვილმა.

შეგახსენებთ, რომ საპარლამენტო ფრაქცია „ევროპული საქართველო“ პარლამენტის თავდაცვისა და უშიშროების კომიტეტის საგანგებო სხდომის მოწვევასა და მასზე შინაგან საქმეთა და თავდაცვის მინისტრების მისვლას მოითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა