„ივანიშვილის რეჟიმი მთელ ქვეყანაში უნდა გამოვცვალოთ“, - ამის შესახებ „მოძრაობა თავისუფლებისთვის - ევროპული საქართველოს“ ერთ-ერთმა ლიდერმა გიგა ბოკერიამ პარტიის პრეზენტაციაზე განაცხადა.

 ბოკერიას თქმით,  პარტია თვითმმართველობის არჩევნებში მონაწილეობას მიიღებს და ძლიერი გუნდით ქვეყნისთვის საქმის კეთებას შეუდგება.

„ვიწყებთ თვითმმართველობის არჩევნებით, სადაც უნდა მოვიყვანოთ ხალხი თვითმმართველობაში, რომელიც მოემსახურება ჩვენს მოქალაქეებს და არა ოლიგარქს. დავიწყოთ ივანიშვილის რეჟიმის შეცვალა. მერე  მთელ ქვეყანაში უნდა გამოვცვალოთ ივანიშვილის რეჟიმი და რაც მთავარია ამის შემდეგ  დავიწყოთ საქმის კეთება ამ ქვეყნისთვის ძლიერი გუნდით, რომელიც ხალხის  წინაშე არის  ანგარიშვალდებული, ძლიერი გუნდით, რომელიც დაიცავს  ჩვენი  ქვეყნის თავისუფლებას, თითოეული მოქალაქის თავისუფლებას და  როგორც  აქ უკვე ითქვა თავისუფალი ადამიანები მოიპოვებენ კეთილდღეობას, თავისუფალი ადამიანები დაიცავენ უსაფრთხოებას, თავისუფალი ადამიანები უზრუნველყოფენ ეკონომიკურ წინსვლას და ამ ქვეყნის საბოლოო დაბრუნებას თავისუფალ და ერთიან ოჯახში, სადაც ადამიანები იცხოვრობენ ღირსეულად, სადაც  ყველას აქვს შანსი წინსვლის  და სადაც ყველას აქვს შანსი ეკონომიკურად დაცული იყოს, ამიტომ ვიწყებთ თქვენთან ერთად, მთელ საქართველოსთან ერთად ამ მოძრაობას თავისუფლებისთვის“, - განაცხადა გიგა ბოკერიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა