ვიცე-პრემიერი, ენერგეტიკის მინისტრი კახა კალაძემ მიიჩნევს, რომ  სავაჭრო ცენტრებისა და ბაზრობების დაზღვევა სავალდებულო უნდა იყოს.

ამის შესახებ კალაძემ ჟურნალისტებს ე.წ. ბავშვთა სამყაროს შენობაში ხანძრის გაჩენასთან დაკავშირებით განუცხადა, რომლის შედეგადაც ათეულობით მოვაჭრე დაზარალდა.

"მე შევდივარ იმ ადამიანების მდგომარეობაში, თუ რამდენად მძიმეა ეს მათთვის. უნდა გაირკვეს მიზეზები. სამომავლოდ, მე ვფიქრობ ერთგვარი ვალდებულებაც კი, უნდა იყოს სავაჭრო ცენტრების, ბაზრობების აუცილებელი დაზღვევა. ვფიქრობ, ეს არის პრინციპულად მნიშვნელოვანი და ეს უნდა იყოს კატეგორიული მოთხოვნა, გამკაცრებული უნდა ამ მიმართულებით მიდგომები", - განაცხადა კახი კალაძემ.

შეგახსენებთ, რომ ე.წ. ბავშვთა სამყაროს შენობაში ხანძარი გაჩნდა. ხანძრის შედეგად, იქ მოვაჭრე ათეულობით ადამიანი დაზარალდა. ცეცხლი დილის 3 საათზე ჯერ საბითუმო ბაზრობაზე გაჩნდა, შემდეგ კი მთლიანად შენობაზე გავრცელდა. მომხდართან დაკავშირებით გამოძიება  187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა