სირცხვილია ადამიანს დააბრალო მკვლელობა, რომელიც მას არ ჩაუდენია, - ამის შესახებ პრეზიდენტის ადმინისტრაციის უფროსმა გიორგი აბაშიშვილმა ივა ჩიღვინაძის საქართველოს პრეზიდენტის კონსულტანტად დანიშვნასთან და „ერთიანი ნაციონალური მოძრაობის" წარმომადგენელთა განცხადებებთან დაკავშირებით განაცხადა.

„პირველ რიგში სირცხვილია, რომ ადამიანს დააბრალო მკვლელობა, რომელიც მას არ ჩაუდენია და ამავდროულად, ძალიან გასაკვირი და დამაფიქრებელია, როდესაც ნაციონალური მოძრაობა საერთოდ იხსენებს იმ სისხლიან ღამეს, როდესაც მოხდა ადამიანების მიზანმიმართული დარბევა და დაფიქსირდა ადამიანთა გარდაცვალების შემთხვევები", - განაცხადა გიორგი აბაშიშვილმა.

შეგახსენებთ, პრეზიდენტის ადმინისტრაციაში პოლიტპატიმრის სტატუსით გათავისუფლებული ივა ჩიღვინაძე კონსულტანტად დაინიშნა. „ერთიანი ნაციონალური მოძრაობის" ინფორმაციით, ჩიღვინაძემ 26 მაისს ნინო ბურჯანაძის მანქანით პოლიციელი, ვლადიმერ მანსურაშვილი მოკლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის