სოსო ცინცაძე: „ახალი მემარჯვენეები" წარსულის მქონე პარტიაა, მაგრამ "გირჩი" რა არის, ჯერ კაციშვილმა არ იცის

2016-08-05 13:34:04, 1293 ნახვა

კომენტარი

""ახალი მემარჯვენეებისთვის" ეს დიდი შენაძენი არ არის, წარმატებულ სვლაზე უფრო "გირჩის" მისამართით შეგვიძლია ვისაუბროთ",-ასე აფასებს ექსპერტი სოსო ცინცაძე სამოქალაქო პლატფორმა - ახალი საქართველოს“, ახალი პოლიტიკური ცენტრი „გირჩისა“ და პარტია „ახალი მემარჯვენეების“ ერთ ბლოკად გაერთიანების გადაწყვეტილებას.

"ჩემი აზრით, ახალი მემარჯვენეებისთვის ეს დიდი შენაძენი არ არის, წარმატებულ სვლაზე უფრო გირჩის მისამართით შეგვიძლია ვისაუბროთ. "ახალი მემარჯვენეები" წარსულის მქონე პარტიაა, მაგრამ "გირჩი" რა არის, ჯერ კაციშვილმა არ იცის. ამავე დროს, ბევრს ახსოვს, ივანიშვილის შეფასება "გირჩი" მისამართით გაკეთებული-ვაჟკაცები არიან, ვაჟკაცური ნაბიჯი გადადგესო, ეს რამდენად აწყობს ახალ მემარჯვენეებს, მათი გაადსაწყვეტია",-განაცხადა სოსო ცინცაძემ.

მან ვაშაძისა და ხაჩიძის პარტიებს უპერსპექტივო უწოდა:

"მაგათი გათვლა თუ იმაზეა, რომ "ნაციონალურ მოძრაობას" წაართვან ხმები, ეს უკვე სულ სხვა რამეა, თორემ ისე დამოუკიდებლად ელექტორალური ბაზის უზრუნველყოფა ერთსაც და მეორესა გაუჭირდება",-აღნიშნა სოსო ცინცაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან