თურქეთში მიგრანტი ბავშვების გაუპატიურებაში ბრალდებულ მამაკაცს 108 წლით თავისუფლების აღკვეთა მიესაჯა.

Reuters-ის ინფორმაციით, გამოძიება დაადგინა, რომ ქალაქ გაზიანტეპის მიგრანტების თავშესაფრის თანამშრომელი რვა სირიელ ბიჭზე სისტემატიურად ძალადობდა.

დამნაშავე სირიის საზღვრის სიახლოვეს მდებარე ბანაკში დამლაგებლად მუშაობდა. მსვერპლთა ასაკი 8-დან 12 წლამდე მერყეობს. სასამართლო დარბაზში ბრალდებულმა დანაშუალი არ უარყო და განაცხადა, რომ მასთან ერთად ბავშვებზე კიდევ რამდენიმე თანამშრომელი ძალადობდა და ამის შესახებ ბანაკის ხელძღვანელებმაც იცოდნენ. მისივე თქმით, სექსუალური კავშირის დამყარებამდე ის ბიჭებს თანხას უხდიდა.

ადვოკატების განცხადებით, დამნაშავის წინააღმდეგ სარჩელი მხოლოდ რვა ბავშვის მშობელმა შეიტანა, სინამდვილეში კი მსვერპლთა რიცხვი გაცილებით მეტია.

ცნობისთვის, ნიზიპის ლტოლვილთა ბანაკში 14 000 სირიელი ცხოვრობს. ეს სწორედ ის ბანაკია, სადაც გასულ თვეს გერმანიის კანცლერი ანგელა მერკელი და ევროკავშირის საბჭოს პრეზიდენტი დონალდ ტუსკი იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ გიორგი კანდელაკის დაჭერა შეუკვეთა

ელენე ხოშტარიას წერილი ციხიდან: ძალიან მნიშვნელოვანი დღე იყო

კობახიძე - არავის აინტერესებს უკრაინისა და უკრაინელი ხალხის ინტერესები

კობახიძე - გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, წარმატებაა