ევროკომისიის ინიციატივით, ევროკავშირის ქვეყნებს, რომლებიც მიგრანტების მიღებაზე უარს იტყვიან, ჯარიმა დაეკისრებათ, - ამის შესახებ BBC იუწყება.

მედია საშუალების ინფომრაციით, ევროკომისია გამოდის წინადადებით, რომ თითოეული მიგრანტისთვის, რომლის მიღებაზეც ქვეყანა უარს იტყვის, 250 ათასი ევროს (290 ათასი დოლარი) ოდენობის ჯარიმა დაწესდეს.

ევროკომისიაში მიიჩნევენ, რომ აღნიშნული თანხით შესაძლებელი იქნება ევროკავშირის იმ ქვეყნების დახმარება, რომლებიც მძიმე ფინანსურ-ეკონომიკურ მდგომარეობაში იმყოფებიან.

ევროკომისიის ინიციატივის განსახორციელებლად ევროკავშირის წევრი ქვეყნების და ევროპარლამენტის მხარდაჭერა არის საჭირო.

მათივე განმარტებით, ეს გადაწყვეტილება მიგრაციულ საკითხთან მიმართებაში სიტუაციას დაარეგულირებს.

ევროკომიის ინფორმაციით, მიგრანტებმა ასევე უნდა შეასრულონ ყველა მოთხოვნა კანონის ფარგლებში და თავშესაფარი იმ ქვეყანაში ჩასვლისთანავე მოითხოვონ, რომელშიც აპირებენ ცხოვრებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო