22 მარტს, 02:00 საათიდან 09:00 საათამდე, მოქალაქეები სამების საკათედრო ტაძარში შესვლას ვერ შეძლებენ, რადგან ტაძარი მსახურებისთვის უნდა მოამზადონ. ამის შესახებ ინფორმაციას ინტერპრესნიუსი ავრცელებს.

მათი ცნობით, ამ დროს მოქალაქეებს უფლება ექნებათ სამების ტაძრის მიმდებარე ტერიტორიაზე, მათ შორის ეზოში, გაჩერდნენ, თუმცა უშუალოდ ტაძარში ვერ შევლენ.

ახალქალაქის, კუმორდოსა და კარის მიტროპოლიტის, ნიკოლოზ ფაჩუაშვილის განცხადებით, მსოფლიო პატრიარქი საქართველოში 11 საათზე ჩამოფრინდება, 12 საათზე კი დაიწყება წესის აგება. წირვაში მონაწილეობას მიიღებენ საქართველოს კათოლიკოს-პატრიარქის მოსაყდრე მეუფე შიო, 12 მღვდელი და 7 დიაკონი.

"მსოფლიო პატრიარქი ჩამოფრინდება 11 საათზე თვითმფრინავით და პირდაპირ აეროპორტიდან მოვა. იმედია, რომ ეს რეისი არ დააგვიანებს და თუ ყველაფერი ზუსტად განრიგის მიხედვით არის, 12 საათზე დაიწყება წესის აგება, რომელსაც უხელმძღვანელებს მსოფლიო პატრიარქი. წირვაში მონაწილეობას მიიღებენ მარტო სრულიად საქართველოს კათოლიკოს-პატრიარქის მოსაყდრე მეუფე შიო და სინოდის წევრები. [...] გადაწყდა, რომ 12 მღვდელი იქნება და 7 დიაკონი." - თქვა მეუფე ნიკოლოზმა.

ავტორი: ექსპრესნიუსი,

სოციალური ქსელები

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით

თსუ-სთან საპროტესტო აქციის მონაწილეები იკრიბებიან

პრეზიდენტი მატარელა: იტალია ყურადღებით აკვირდება საქართველოს ევროკავშირში გაწევრიანების გზას