კოალიცია ცვლილებისთვის ერთ-ერთი ლიდერის ნიკა მელიას მამა ანზორ მელია ამბობს, რომ ქართული ოცნება ნიკა მელიას "ვერ გატეხავს". 

ასე ეხმაურება ის ნიკა მელიასთვის წარდგენილ ახალ ბრალდებას. ცოტა ხნის წინ პროკურატურამ კოალიცია ცვლილებისთვის ერთ-ერთ ლიდერს ნიკა მელიას ახალი ბრალდება წარუდგინა. პოლიტიკოსს "სასამართლოს უპატივცემულობას" ედავებიან. 

"ნიკას გატეხვა უნდათ, მაგრამ ნიკას ვერ გატეხავენ. ფსიქოლოგები არ ჰყავს ამ მთავრობას, რომ გააანალიზონ ნიკას პიროვნება? ასე ნიკას ვერ გატეხავენ, ვერც მის მშობლებს ვერ გატეხავენ. არა თუ მშობლებს, სანდროსაც ვერ გატეხავენ, ისეთი მაგარია სანდრო. უნდათ, რომ, ალბათ, როგორც ზურაბ გირჩი მიიყვანეს დედის გასვენებაში და უჯიკავებდნენ, ისე დაუჯიკაონ ნიკას, მაგრამ ამას არ ეღირსებიან. 

ნიკა მაგრად იყავით, ჩვენც მაგრად ვართ, არ გავტყდებით, შენს გვერდით ვართ და შენი ოჯახის გვერდით ვიქნებით ყოველთვის. მეტირება, მაგრამ ეს ჩემს სისუსტეს არ მიანიშნებს, ჩემს სიძლიერეზე ლაპარაკობს. მაგრად ვიქნები და შენ მაგრად უნდა იყო მანდ და ხარ. იქიდან გვამხნევებს ნიკა და მე აქედან უნდა გავამხნევო. რომ იცოდე, რამდენ ხალხს უყვარხარ...", - ამბობს ის ტვ პირველთან. 

ავტორი: ექსპრესნიუსი,

სოციალური ქსელები

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს

ალიანსი: გორში მომხდარი ქართული ოცნების ძალადობრივი სისტემის მორიგი სასტიკი დანაშაულია

ვოლოდიმირ ზელენსკიმ საჰაერო თავდაცვის სისტემების დეფიციტის შესახებ დონალდ ტრამპს წერილი გაუგზავნა