უკრაინის პრეზიდენტი ვოლოდიმირ ზელენსკი აცხადებს, რომ რეფორმები გაგრძელდება. ზელენსკის თქმით, მომავალ კვირაში დაგეგმილია შეხვედრები ევროპაშიც.

„ვემზადებით დიპლომატიური კვირისთვისაც  – იქნება შეხვედრები ევროპაში, რომლებიც უკრაინისთვის უნდა გახდეს კიდევ ერთი კონტრიბუცია ჩვენს თავდაცვაში და ომის დასრულებასთან დაახლოებაში. უკრაინა ემზადება მოვლენების განვითარების ორივე ვარიანტისთვის: დიპლომატიური მოლაპარაკებებისთვის, რომელსაც ჩვენ ვახორციელებთ, ან შემდგომი აქტიური თავდაცვისთვის, თუ პარტნიორების ზეწოლა რუსეთზე არასაკმარისი აღმოჩნდება. უკრაინა ისწრაფვის მშვიდობისკენ, მაგრამ თავის ძალას უკრაინა არავის დაუთმობს“, – განაცხადა უკრაინის  პრეზიდენტმა.

უკრაინის პრეზიდენტმა ასევე აღნიშნა, რომ ესაუბრა პრემიერ-მინისტრ იულია სვირიდენკოს და 5 იანვარს მინისტრთა კაბინეტის სხდომა იქნება მოწვეული.

„მნიშვნელოვანია, რომ ცვლილებები გაგრძელდეს. დეტალურად ვიმუშავეთ უსაფრთხოების მიმართულებით. უკრაინის სახელმწიფო საზღვრის სამსახური შეიცვლება. ასევე, განვიხილეთ შინაგან საქმეთა მინისტრთან, კლიმენკოსთან შესაბამისი ცვლილებების მიმართულებები“, – აღნიშნა  ზელენსკიმ.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა