დეკემბერში, ცენტრალურმა სადაზვერვო სააგენტომ (CIA) ვენესუელას სანაპიროზე მდებარე პორტის ობიექტზე დრონით თავდასხმა განახორციელა. CNN-მა ეს ინფორმაცია დარტყმის თარიღის დაზუსტების გარეშე გაავრცელა, ორ წყაროზე დაყრდნობით.

ვაშინგტონი მიიჩნევს, რომ დაზიანებული ობიექტი ტრენ დე არაგუას ჯგუფის მიერ ნარკოტიკების შესანახად და შემდგომი ტრანსპორტირებისთვის გემებზე ჩასატვირთად გამოიყენებოდა. თავდასხმის დროს ობიექტზე არავინ იმყოფებოდა და მსხვერპლი არ ყოფილა.

CIA-მ კომენტარის გაკეთებაზე უარი თქვა. 26 დეკემბერს ტრამპმა ახსენა, რომ აშშ-მ გაანადგურა „მნიშვნელოვანი ობიექტი, სადაც გემები შემოდიან“. ორშაბათს მან განმარტა, რომ დარტყმა „დოკის ზონას“ დაემართა, სადაც ნავები ნარკოტიკებით იტვირთება“, მაგრამ უარი თქვა იმის თქმაზე, სამხედროებმა თუ ცენტრალური სადაზვერვო სააგენტომ განახორციელა თუ არა ოპერაცია. CNN აღნიშნავს, რომ აშშ-მ უკვე გაანადგურა 30-ზე მეტი გემი კარიბის ზღვასა და აღმოსავლეთ წყნარ ოკეანეში.

17 დეკემბერს, ტრამპმა Truth Social-ის პოსტში ბრძანა ვენესუელაში და იქიდან მოძრავი სანქცირებული ნავთობტანკერების „სრული ბლოკადა“. მან ეს ზომა იმით ახსნა, რომ ვენესუელამ აშშ-სგან „ნავთობი, მიწა და სხვა აქტივები“ მოიპარა.

ავტორი: ექსპრესნიუსი,

სოციალური ქსელები

დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს

ამერიკელი მედიამაგნატი Vogue, The New Yorker,-ს მფლობელი დონალდ ნიუჰაუსი 96 წლის ასაკში გარდაიცვალა

თბილისის მერია სიონის ტაძარში რეაბილიტაციის პროექტს იწყებს

საქართველოს ქალაქებში სამხედრო ტექნიკის გამოფენა გაიმართა