საფრანგეთის საზღვაო ძალებმა სამშაბათს გამოაცხადეს, რომ ხელისუფლება იძიებს ბორაკაის ნავთობტანკერის შესაძლო დარღვევებს, რომელიც, სავარაუდოდ, რუსეთის მიერ ნავთობის სანქციებისგან თავის არიდების მიზნით გამოყენებული ჩრდილოვანი ფლოტის ნაწილია.

გემი შეტანილია დიდი ბრიტანეთისა და ევროკავშირის რუსეთის წინააღმდეგ სანქციების სიებში.

როიტერის ცნობით, MarineTraffic-ის მონაცემებზე დაყრდნობით, ნავთობტანკერმა რუსეთის პრიმორსკის პორტი 20 სექტემბერს დატოვა. გემმა ბალტიის ზღვა გაიარა, ჩრდილოეთით დანია შემოუარა, ჩრდილოეთის ზღვაში შევიდა და ლა-მანშის გავლით დასავლეთისკენ გაემართა.

გემის თვალთვალის მონაცემები აჩვენებს, რომ ფრანგული სამხედრო გემი ტანკერს საფრანგეთის ჩრდილო-დასავლეთ კიდეს შემოუარა. შემდეგ სატვირთო გემმა კურსი შეიცვალა და აღმოსავლეთისკენ, საფრანგეთის სანაპიროსკენ გაემართა. ტანკერი ამჟამად სენ-ნაზერის მახლობლად დგას.

საფრანგეთის საზღვაო ძალებმა გამოაცხადეს, რომ გამოძიება მიმდინარეობს. ბრესტის პროკურორმა როიტერს განუცხადა, რომ გამოძიება დაიწყო მას შემდეგ, რაც ეკიპაჟმა ვერ წარმოადგინა გემის ეროვნების დამადასტურებელი საბუთი და არ შეასრულა ბრძანებები.

ავტორი: ექსპრესნიუსი,

სოციალური ქსელები

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს

ალიანსი: გორში მომხდარი ქართული ოცნების ძალადობრივი სისტემის მორიგი სასტიკი დანაშაულია

ვოლოდიმირ ზელენსკიმ საჰაერო თავდაცვის სისტემების დეფიციტის შესახებ დონალდ ტრამპს წერილი გაუგზავნა