პარტია „გახარია საქართველოსთვის“-ს ცნობით, გიორგი შარაშიძე თბილისის მერობის ერთ-ერთ კანდიდატად განიხილება.

როგორც პარტიის პოლიტიკური საბჭოს წევრმა ქეთევან ბაქარაძემ IPN-ს განუცხადა, ის დარწმუნებულია, რომ გიორგი შარაშიძე თბილისელებისთვის მერობის განსაკუთრებით ღირსეული კანდიდატი იქნება.

„გიორგი შარაშიძე ნამდვილად ერთ-ერთი გამორჩეული კანდიდატია თავისი პროფესიონალიზმით, კომპეტენციით, მენეჯერული გამოცდილებით და, რაც მთავარია, პატიოსნებით. გიორგი 4 წელია თბილისის საკრებულოს წევრია, ის ძალიან კარგად იცნობს თბილისელების პრობლემებს. მან გამოავლინა თბილისის მუნიციპალიტეტის მერის არაერთი კორუფციული სქემა, კორუფციული გარიგებები და ტენდერები რუსეთის სანქცირებული კომპანიების წარმომადგენლებთან. დარწმუნებული ვარ, რომ გიორგი შარაშიძე თბილისელებისთვის განსაკუთრებით ღირსეული მერობის კანდიდატი იქნება.

სამუშაო პროცესი გრძელდება. განიხილება რამდენიმე კანდიდატი, ამომრჩეველთან თანხმდება პოზიციები, ყველაფერი განიხილება. ეს მხოლოდ პარტიული გუნდის გადაწყვეტილება არ არის. მე ვერავის დავადასტურებ, როგორც გარანტირებულ მერობის კანდიდატს“, - განაცხადა ქეთევან ბაქარაძემ.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია