“ქართველი ხალხის ევროპული არჩევანი და ვიზალიბერალიზაცია არაფერს ნიშნავს ივანიშვილისთვის, რომლის მიზანია საქართველოს დაცლა და ქვეყნის რუსულ ორბიტაში დაბრუნება.” - განაცხადა “ნაციონალური მოძრაობის” პოლიტიკურმა მდივანმა, გიორგი ბარამიძემ

 “რა თქმა უნდა, მოღალატეთა და კრიმინალთა ბანდის წარმომადგენლებისთვის არაფერს არ ნიშნავს საქართველოს მოქალაქეებისთვის ევროკავშირის ტერიტორიაზე უვიზო მიმოსვლა, რადგან ჯიბეებს თვითონ მშვენივრად ისქელებენ. მათ ფართოდ გაუღეს კარი პაკისტანის და ბანგლადეში მოქალაქეებს ჩვენი ქვეყნის კარი და ვხედავთ რაც ხდება ჩვენს ქვეყანაში ძალიან კარგად და მეორეს მხრივ, ივანიშვილი, ქართული გვარის მქონე რუსი ოლიგარქი, რომელიც ღალატობს საქართველოს ეროვნულ ინტერესებს, უკეტავს ქართველ ხალხს ევროკავშირში შესასვლელ კარს, რომლის გაღებაზე ქართული საზოგადოება ძალიან ბევრ რამეს აკეთებდა მრავალი წლის განმავლობაში პრეზიდენტ სააკაშვილის ხელისუფლების დროს განსაკუთრებით იმისთვის, რომ ჩვენ მივახლოვდებოდით ევროკავშირს. საქართველო არის ერთ-ერთი ძირძველო ევროპული ცივილიზაცია, ძირძველი ქრისტიანული ცივილიზაცია და სწორედ ამით გამოირჩეოდა ევროპა ყოველთვის, რომ ის არის ქრისტიანულ სახელმწიფოთა გაერთიანება. ახლა მსოფლიო წინ წავიდა და მარტო ქრისტიანობა არ არის მთავარი, ასევე დემოკრატია, ადამიანების უფლებების დაცვა არის საჭირო ევროკავშირში გასაწევრიანებლად, მაგრამ საქართველო არის ძირძველი ევროპული ქვეყანა. ბუნებრივია, როდესაც არის თავისუფალი მიმოსვლა, არის შესაძლებლობა ეკონომიკის განვითარების, ინვესტიციების მოზიდვის, მაგრამ ივანიშვილის ბანდას პუტინის გეგმის მიხედვით არ აინტერესებს ეს ყველაფერი, ივანიშვილის და მისი მოღალატეთა ბანდის ამოცანა რაც არის კარგად დავინახეთ - საქართველო დაცლილი ქართველებისგან. შაჰ აბასის დროს არ ყოფილა ისე დაცლილი საქართველო დაცლილი ქართველებისგან, როგორც ახლა იცლება ამ მოღალატე ივანიშვილის რეჟიმის დროს და, რა თქმა უნდა, მათთვის აბსოლუტურად არაფერს არ ნიშნავს ვიზალიბერალიზაცია, რადგან ჯიბეებს ისქელებენ კრიმინალური ქმედებებით, საქართველოს რესურსების ძარცვით, ქოლცენტრებით, რუსეთის უკანა ეზოდ გადააქციეს საქართველოს და რუსეთისთვის სანქციების გვერდის ავლის საშუალებად, ეს არის როგორც წარმოუდგენია პუტინს საქართველო და ეს დავაკება აქვს ივანიშვილს და მათი ამოცანაა საქართველო მოწყვიტოს ნატოსა და ევროკავშირს, არ ჩამოვიდნენ ინვესტორები და არ განვითარდეს ჩვენი ქვეყანა ეკონომიკურად. ჩვენ ვხედავთ მეზობელ სომხეთში, რომელიც საკმაოდ პრობლემებით არის დახუნძლული, Nvidia, რომელიც არის მსოფლიოში ნომერ პირველი კაპიტალიზაციის კომპანია, გადაწყვიტა 500 მილიონიანი ინვესტიცია განახორციელოს.” - განაცხადა გიორგი ბარამიძემ

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია