3 ივლისს, სატელეფონო საუბრისას, ვლადიმერ პუტინმა აშშ-ის პრეზიდენტ დონალდ ტრამპს განუცხადა, რომ რუსეთი არ შეწყვეტს უკრაინაში ომის „ყველა ძირითადი მიზეზის აღმოფხვრის“ მცდელობებს. ამის შესახებ რუსეთის პრეზიდენტის თანაშემწემ იური უშაკოვმა განაცხადა. ამავდროულად, პუტინმა დასძინა, რომ მოსკოვი გააგრძელებს კონფლიქტის მოლაპარაკების გზით გადაწყვეტის ძიებას, აღნიშნა უშაკოვმა.

გარდა ამისა, რუსეთის სახელმწიფოს მეთაურმა ტრამპს რუსეთსა და უკრაინას შორის სტამბოლის შეთანხმებების შესრულების პროგრესის შესახებ მიაწოდა ინფორმაცია. თავის მხრივ, აშშ-ის პრეზიდენტმა, უშაკოვის თქმით, ხაზი გაუსვა უკრაინის ტერიტორიაზე სამხედრო მოქმედებების რაც შეიძლება სწრაფად შეწყვეტის აუცილებლობას.

„ტრამპმა კვლავ წამოჭრა სამხედრო მოქმედებების სწრაფი დასრულების საკითხი. პუტინმა აღნიშნა, რომ ჩვენ ვაგრძელებთ კონფლიქტის პოლიტიკური მოლაპარაკებების გზით გადაწყვეტის ძიებას“, - განაცხადა უშაკოვმა.

პუტინმა, მისი თანაშემწის თქმით, ასევე მიულოცა ტრამპს აშშ-ის დამოუკიდებლობის დღე, რომელიც 4 ივლისს აღინიშნება და თქვა, რომ რუსეთმა, სავარაუდოდ, „მნიშვნელოვანი როლი ითამაშა ამერიკული სახელმწიფოებრიობის ჩამოყალიბებაში“. გარდა ამისა, მხარეებმა განიხილეს სირიაში, ირანსა და ახლო აღმოსავლეთში არსებული ვითარება. სახელმწიფოს მეთაურებს შორის პირადი შეხვედრის საკითხი არ დასმულა, თუმცა, უშაკოვის თქმით, „ეს იდეა ჰაერშია“.

„ფაინენშალ ტაიმსის“ ცნობით, დონალდ ტრამპი ასევე აპირებს 4 ივლისს სატელეფონო საუბრის გამართვას უკრაინის პრეზიდენტ ვოლოდიმირ ზელენსკისთან, რათა განიხილოს ამერიკული იარაღის მიწოდების შეჩერების საკითხი. „პოლიტიკოს“ ცნობით, გადაწყვეტილება მოულოდნელი იყო არა მხოლოდ კიევისა და მისი ევროპელი მოკავშირეებისთვის, არამედ თავად აშშ-ის სახელმწიფო დეპარტამენტისთვის, ასევე კონგრესის წევრებისთვის, რომლებიც, როგორც წესი, წინასწარ აცნობენ სამხედრო დახმარების საკითხებს. პენტაგონი ამ ზომას დროებით და შეზღუდულს უწოდებს, თუმცა უკრაინელმა ოფიციალურმა პირებმა გამოცემა „ეკონომისტს“ განუცხადეს, რომ შეერთებულმა შტატებმა იარაღის მიწოდება მთლიანად შეწყვიტა. კიევში ეს ნაბიჯი შეფასდა, როგორც ამერიკული ადმინისტრაციის მცდელობა, მოახდინოს პოლიტიკური ზეწოლა და მიიღოს დათმობები უკრაინისგან.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა