„კოალიცია ცვლილებისთვის“ ერთ-ერთი ლიდერი, ზურაბ გირჩი ჯაფარიძე ხვალ, თბილისის საქალაქო სასამართლოში განაჩენის გამოცხადებას არ დაესწრება.

როგორც პარტიაში აცხადებენ, ზურაბ ჯაფარიძის პოზიციაა, რომ არც მისი თანაგუნდელები და მხარდამჭერები დაესწრონ სასამართლო სხდომას.

ზურაბ ჯაფარიძის საქმეზე გადაწყვეტილება ხვალ, 23 ივნისს, 10:30 საათზე გამოცხადდება.

„ზურაბ „გირჩი“ ჯაფარიძე არ დაესწრება განაჩენის გამოცხადებას. შესაბამისად, არც მისი თანაგუნდელები და მხარდამჭერები ვაპირებთ მონაწილეობას სასამართლოდ წოდებულ „ცირკში“. ზურაბ „გირჩი“ ჯაფარიძის განაჩენს ჯვებე ნაჭყებია ცარიელ დარბაზში გამოაცხადებს", - აღნიშნულია „გირჩი მეტი თავისუფლებას“ განცხადებაში.

პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე 23 ივნისს, თბილისის საქალაქო სასამართლოში განაჩენი სამი ოპოზიციონერი პოლიტიკოსის, ზურაბ გირჩი ჯაფარიძის, მამუკა ხაზარაძისა და ბადრი ჯაფარიძის საქმეებზე გამოცხადდება. როგორც ცნობილია, ზურაბ ჯაფარიძის მსგავსად, არცერთი სხვა ოპოზიციონერი პოლიტიკოსი მათ მიმართ განაჩენის გამოცხადებას არ დაესწრება.

ცნობისთვის, საქართველოს პარლამენტის დროებით საგამოძიებო კომისიაზე ახსნა-განმარტების მისაცემად სულ ცხრა ოპოზიციონერი პოლიტიკოსი დაიბარეს, მათგან საკანონმდებლო ორგანოში მისვლაზე უარი რვა პირმა განაცხადა, გამონაკლისი მხოლოდ ყოფილი შს მინისტრი გიორგი გახარიაა, შესაბამისად, მას ამ საქმეზე ბრალდება წარდგენილი არ აქვს.

რაც შეეხება დანარჩენ პოლიტიკოსებს, მათ აღნიშნულთან დაკავშირებით ბრალი სისხლის სამართლის კოდექსის 349-ე მუხლით წარუდგინეს, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე. ზურაბ გირჩი ჯაფარიძეს აღკვეთის ღონისძიების სახით 20 000-ლარიანი გირაო შეეფარდა, რაც მან კანონით დადგენილ ვადაში არ გადაიხადა, რის გამო, ის 22 ივნისს, სხდომათა დარბაზში დააკავეს.

ავტორი: ექსპრესნიუსი,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს