ალექსანდრე ლუკაშენკო მინსკში კიტ კელოგს შეხვდა, - ამის შესახებ ინფორმაციას რუსული მედია ბელარუსის პრეზიდენტის პრესსამსახურზე დაყრდნობით ავრცელებს.

„საუბარი დამოუკიდებლობის სასახლეში დელეგაციების წევრების მონაწილეობით შედგა. მოლაპარაკებების დღის წესრიგში შედიოდა საერთაშორისო საკითხები და მსოფლიოში არსებული ვითარება, რეგიონული საკითხები და ბელარუს-ამერიკის ურთიერთობები“, - ნათქვამია ბელარუსის პრეზიდენტის პრესსამსახურის განცხადებაში.

უკრაინის საკითხებში აშშ-ის პრეზიდენტის, დონალდ ტრამპის სპეციალურ წარმომადგენელთან, კიტ კელოგთან შეხვედრის დაწყებამდე ბელარუსის პრეზიდენტმა, ალექსანდრე ლუკაშენკომ აღნიშნა, რომ „კელოგის ვიზიტმა დიდი ხმაური გამოიწვია“.

„ბატონო გენერალო, თქვენთან შეხვედრა ძალიან მიხარია. ნამდვილად იმედი მაქვს, რომ ჩვენი საუბარი ძალიან გულწრფელი და ღია იქნება. წინააღმდეგ შემთხვევაში, რა აზრი აქვს შეხვედრას?“, - განუცხადა ლუკაშენკომ კელოგს.

კელოგმა ლუკაშენკოს მასპინძლობისთვის მადლობა გადაუხადა.

„ძალიან საშიშ დროში ვცხოვრობთ, როდესაც ჩვენ წინაშე არსებული კრიზისები შეიძლება მკვეთრად გამწვავდეს, თუ გონივრულად და სამართლიანად არ ვიმოქმედებთ“, - აღნიშნა აშშ-ის პრეზიდენტის სპეციალურმა წარმომადგენელმა.

ცნობისთვის, კიტ კელოგი პირველი ამერიკელი მაღალი რანგის ოფიციალური პირია, რომელიც ბელარუსს ბოლო წლებში ეწვია.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა