რუსეთმა უკრაინის მიმართულებით 440-ზე მეტი დრონი და 32 რაკეტა გაუშვა, - ამის შესახებ ინფორმაციას უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე ავრცელებს.

„კიევზე ერთ-ერთი ყველაზე საშინელი თავდასხმა განხორციელდა. ასევე, დღევანდელი ღამის განმავლობაში თავს დაესხნენ ოდესის, ზაპოროჟიეს, ჩერნიგოვის, ჟიტომირის, კიროვოგრადის, ნიკოლაევისა და კიევის ოლქებს“, - წერს ვოლოდიმირ ზელენსკი.

უკრაინის პრეზიდენტის ცნობით, ბოლო მონაცემებით, რუსეთის იერიშების შედეგად 15 ადამიანი დაიღუპა და 75 დაშავდა.

„მსგავსი თავდასხმები აშკარა ტერორიზმია და მთელმა მსოფლიომ, აშშ-მა და ევროპამ ამას ისე უნდა უპასუხონ, როგორც მთელი ცივილიზებული სამყარო პასუხობს ტერორისტებს. პუტინი ამას აკეთებს მხოლოდ იმიტომ რომ მას ომის გაგრძელება შეუძლია. მას სურს, რომ ომი გაგრძელდეს. არასწორია, როდესაც მსოფლიოს ძლიერი სახელმწიფოები ამაზე თვალს ხუჭავენ. ტკივილი ტერორისტებმა უნდა იგრძნონ და არა უდანაშაულო მშვიდობიანმა ხალხმა“, - აღნიშნავს უკრაინის პრეზიდენტი.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა