უნგრეთის პრემიერმინისტრმა, ვიქტორ ორბანმა განაცხადა, რომ რუსეთს "მხოლოდ ძალის ენა ესმით", ხოლო ევროპა ამჟამად სუსტი მდგომარეობაში იმყოფება. ამის შესახებ მან ფრანგულ ტელეარხ LCI-სთან ინტერვიუში განაცხადა.

"მე ვფიქრობ, რომ რუსებს მხოლოდ ძალის ენა ესმით და ევროპა ძლიერი უნდა იყოს" - თქვა მან და ხაზი გაუსვა, რომ მოლაპარაკებები ძალის პოზიციიდან უნდა წარიმართოს.

ორბანმა აღნიშნა, რომ ევროპა ამჟამად სუსტია და ამიტომ, მას აშშ-ის დახმარება სჭირდება. უნგრეთის პრემიერმინისტრი დარწმუნებულია, რომ გრძელვადიან პერსპექტივაში ევროპა უნდა გაძლიერდეს. "რუსეთთან სტრატეგიული შეთანხმება საჭიროა, მაგრამ ამას მხოლოდ ძლიერი ევროპა შეძლებს" - განაცხადა მან.

უნგრეთის პრემიერმინისტრმა ასევე ხაზი გაუსვა, რომ ევროპაში სრულმასშტაბიანი ომის საფრთხე არ არსებობს, რადგან "რუსეთი ამისთვის ძალიან სუსტია. მას უკრაინის დამარცხებაც არ შეუძლია და შესაბამისად, ვერც ნატოს შეუტევს".

ავტორი: ექსპრესნიუსი,

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 86 მოქალაქე საქართველოდან გააძევეს

ბრენდი, რომელიც ზრუნავს მომხმარებლებზე- აღნიშნე ბავშვთა საერთაშორისო დღე თიბისისთან ერთად

რატომ გაასაიდუმლოეს 8 ოპოზიციონერის სასამართლო პროცესი - საერთაშორისო გამჭირვალობის ანგარიში

პაპუნა ლოცულაშვილმა, რომელზეც გორში, პოლიციელებმა დაკავების დროს ჯგუფურად იძალადეს, კლინიკა დატოვა