2025-03-11 09:16:06, 611 ნახვა
საზოგადოება
ხელოვნების სფეროს წარმომადგენლებმა ღამე პარლამენტთან გაათენეს
ხელოვნების სფეროს წარმომადგენლებმა პროტესტის ნიშნად ღამე საკანონმდებლო ორგანოსთან გაათენეს.
პარლამენტთან მთელი ღამის განმავლობაში იყვნენ მსახიობები, რეჟისორები და კულტურის სფეროს სხვა წარმომადგენლები.
მათ საკანონმდებლო ორგანოს კიბეებთან გაშალეს ბანერი წარწერით: „ტირანიის წინააღმდეგ“. მანამდე კი, ხელოვნების სფეროს წარმომადგენლებმა პარლამენტისკენ თეატრისა და კინოს უნივერსიტეტიდან მსვლელობა მოაწყვეს.
ხელოვანების განცხადებით, მიმდინარე პროცესში ყველა მოქალაქემ სხვადასხვა ფორმით უნდა მიიღოს მონაწილეობა. მათივე თქმით, პროტესტის გამოსახატად აქციისთვის გამოყოფილი დრო საკმარისი არაა და პარლამენტთან ღამის გათენება სწორედ ამიტომ გადაწყვიტეს.
ავტორი: ექსპრესნიუსი,
.png)
epn.ge (@expressnews.ge)
