საქართველოში სამუშაო ვიზიტით მყოფი აშშ-ის ევროპული სარდლობის მთავარი სერჟანტი შერილ ლაიონი გიორგი ანწუხელიძის სახელობის სერჟანტთა მომზადების ცენტრს ესტუმრა. სტუმართან ერთად სერჟანტთა მომზადების ცენტრში საქართველოს შეიარაღებული ძალების მთავარი სერჟანტი ბესო ხატიაშვილი იმყოფებოდა.

გაცნობითი ბრიფინგის დროს, სასწავლო ცენტრის ხელმძღვანელმა, ვიცე-პოლკოვნიკმა ლაშა დავითაძემ შერილ ლაიონს ცენტრის ისტორიისა და სპეციფიკის შესახებ პრეზენტაცია წარუდგინა. პრეზენტაციის დასრულების შემდეგ, აშშ-ის ევროპული სარდლობის მთავარმა სერჟანტმა ცენტრის ინფრასტრუქტურა დაათვალიერა.
 
„ძალიან მნიშვნელოვანი სტუმრობა გვქონდა სერჟანტთა მომზადების ცენტრში. დღეს მიღებული ინფორმაცია გერმანიაში დაბრუნების შემდეგ აუცილებლად გამომადგება, რომ ურთიერთთავსებადობის ამაღლების მხრივ, აშშ-სა და საქართველოს შეიარაღებულ ძალებს შორის უფრო ეფექტური გეგმა შევიმუშავოთ. პოლიგონზე ყოფნის დროს შესაძლებლობა მომეცა პირადად გავცნობოდი სამხედრო ინფრასტრუქტურას და ქართული არმიის შესაძლებლობებს. საქართველოში ვიზიტი საშუალებას მოგვცემს ეფექტური ტაქტიკა და პროცედურები შევიმუშავოთ, რაც ხელს შეუწყობს ჩვენი თანამშრომლობის გაღრმავებას. აშშ-ის ევროპული სარდლობის მთავარი მიზანია ხელი შეუწყოს ძლიერი ევროპის ჩამოყალიბებას და ქართული შეიარაღებული ძალები ამ გეგმის ნაწილია,“ - განაცხადა მთავარმა სერჟანტმა შერილ ლაიონმა.

დღის ბოლოს, შერილ ლაიონი მეოთხე მექანიზირებული ბრიგადის სასროლეთზე OCC-ის ბატალიონის წვრთნას დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის

უკრაინის საგარეო საქმეთა მინისტრმა ეუთოს საგანგებო შეხვედრაზე საქართველოს მხარდაჭერისთვის მადლობა გადაუხადა.