რუსეთის ძალებმა დღეს დილიდან უკრაინის დედაქალაქზე იერიში მიიტანეს. ამის შესახებ ინფორმაციას "უკრაინსკაია პრავდა" ავრცელებს.

მედიის ცნობით, დარტყმისას საოკუპაციო ძალებმა ფრთოსანი რაკეტები, ბალისტიკური რაკეტები, კერძოდ "ისკანდერები“, ასევე უპილოტო საფრენი აპარატი გამოიყენეს.

საჰაერო თავდაცვის ძალებმა დედაქალაქის თავზე გაანადგურეს 10-ზე მეტი ფრთოსანი რაკეტა, 10-მდე ბალისტიკური რაკეტა და უპილოტო საფრენი აპარატი. 

"დაშავებულია 2 ადამიანი, მათგან ერთი ჰოსპიტალიზებულია. კიევის 3 რაიონში დაზიანებულია შენობები, კერძოდ, საწარმო და არასაცხოვრებელი ნაგებობები და დამწვარია 4 ავტომობილი. ჩამსხვრეულია მინები "სვიატოშინის“ მეტროსადგურის შენობაში", - განაცხადა დედაქალაქის მერმა, ვიტალი კლიჩკომ.

რაც შეეხება ფრონტზე არსებული სიტუაციას, უკრაინის შეიარაღებული ძალების ცნობით, გასული დღე-ღამის განმავლობაში ფრონტის ხაზზე 166 შეტაკება მოხდა, აქედან 62 პოკროვსკის მიმართულებით.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა