პაატა ბურჭულაძის 60 წლის იუბილესადმი მიძღვნილი კონცერტი უკვე დაიწყო

2015-02-12 19:29:45, 6312 ნახვა

კულტურა

პაატა ბურჭულაძის 60 წლის იუბილესადმი მიძღვნილი კონცერტი უკვე დაიწყო.
საღამოს ფრანგი მსახიობი ალენ დელონი და პიანისტი დათუნა ალადაშვილი უძღვებიან.

გრანდიოზულ კონცერტში, მსოფლიოს 15-მდე ვარსკვლავი ღებულობს მონაწილეობას.
მათ შორისაა: ნინო მაჩაიძე, მაყვალა ქასრაშვილი, იანო თამარი, ანიტა რაჭველიშვილი, თამარ ივერი, ნინო სურგულაძე, მარიკა გულორდავა, მიშელ კრაიდერი, ოლგა ბოროდინა, ირინა მაკაროვა.
სპეციალურად ამ დღისათვის ორი სიმფონიური ორკესტრი, ზ.ფალიაშვილის სახელობის ოპერისა და ბალეტის სახელმწიფო თეატრის სიმფონიური ორკესტრი და ე.მიქელაძის სახელობის სახელმწიფო სიმფონიური ორკესტრი ერთიანდება. გაერთიანებულ ორკესტრს ორი მაესტრო - ჯანლუკა მარჩანო და ნიკოლოზ რაჭველი უდირიჟორებს.
როგორც არტპალასში გამართულ პრესკონფერენციაზე განაცხადეს, აღნიშნული ღონისძიება არ არის საქველმოქმედო და ის „იავნანასაგან“ აბსოლუტურად გამიჯნულია.
შეგახსენებთ, რომ ფრანგი მსახიობი ალენ დელონი საქართველოს 11 თებერვალს სპეციალურად პაატა ბურჭულაძის იუბილესადმი მიძღვნილი კონცერტისათვის ეწვია.