დონბასში სახელმწიფო უსაფრთხოების მიზნით სასაზღვრო რეჟიმი ამოქმედდა

2015-02-10 14:43:20, 1549 ნახვა

მსოფლიო

აღმოსავლეთ უკრაინაში, დებალცევოში სახელმწიფო უსაფრთხოების მიზნით სასაზღვრო რეჟიმი ამოქმედდება.
ამის შესახებ ინფორმაციას უკრაინული მედია ავრცელებს.
უკრაინული მედიის ცნობით, გასული დღე-ღამის განმავლობაში დებალცევოში შეიარაღებულ კონფლიქტს 7 მშვიდობიანი მოქალაქე და 9 სამხედრო პირი შეეწირა. დაშავებულთა რაოდენობა კი 26 აღემატება.
უკრაინელმა ჯარისკაცებმა 30 ტერორისტი და მათი კუთვნილი სამხედრო აღჭურვილობა გაანადგურეს.
ამასთან, გერმანიის კანცლერმა ანგელა მერკელმა იმედი გამოთქვა, რომ კონფლიქტი დიპლომატიური გზით გადაიჭრება.
„სამხედრო ძალით ამ ამოცანის შესრულება შეუძლებლად მიმაჩნია. დიპლომატიური ძალისხმევა კიდევ უფრო გაძლიერდება კიევსა და მოსკოვში. საფრანგეთის პრეზიდენტისა და ჩემი ვიზიტის შემდეგ. ჩვენ თანმიმდევრულნი ვართ სანქციების შემთხვევაში და მომავალში კოორდინირებულად უნდა მოხდეს ნაბიჯების გადადგმა“,-განაცხადა მერკელმა.
შეგახსენებთ, რომ აღმოსავლეთ უკრაინაში შეიარაღებული დაპირისპირება უკრაინელ სამხედროებს და პორორუს სეპარატისტებს შორის გრძელდება.