ტერორისტული დანაშაულის საქმეზე დაკავებულ 2 პირს პატიმრობა შეეფარდა

2023-07-27 14:52:16, 1287 ნახვა

სამართალი

ტერორისტულ დანაშაულზე მიმდინარე გამოძიების ფარგლებში დაკავებულ საქართველოს ორ მოქალაქეს აღკვეთის ღონისძიების სახით პატიმრობა შეეფარდა.

გადაწყვეტილება ცოტა ხნის წინ თბილისის საქალაქო სასამართლოს მოსამართლე ირაკლი ხუსკივაძემ მიიღო.

საქმეზე წინასასამართლო სხდომა 18 სექტემბერს ჩაინიშნა

აღსანიშნავია, რომ საქართველოს სახელმწიფო უსაფრთხოების სამსახურმა 2 პირის დაკავების შესახებ ინფორმაცია გუშინ, 26 ივლისს გაავრცელა.

საქმის ოფიციალური დეტალების მიხედვით, სპეციალური ოპერაცია საქართველოს ორ რეგიონში ოთხ ლოკაციაზე ერთდროულად ჩატარდა და საგამოძიებო მოქმედებების შედეგად ამოღებულ იქნა დროშები ტერორისტული ორგანიზაცია „ისლამური სახელმწიფოს“ სიმბოლიკით და სხვადასხვა სახის ელექტრონული ინფორმაციის მატარებელი მოწყობილობა.

გამოძიებას სისხლის სამართლის კოდექსის 327-ე და 236-ე მუხლებით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,