2023-05-27 15:09:20, 1439 ნახვა

---

პოდოლიაკი - რუსეთის მოთხოვნები ხელმძღვანელობის ქმედუუნარობას ადასტურებს, მხოლოდ უკრაინის პირობებია რეალისტური

რუსეთის მოთხოვნები რომელიც რუსეთის საგარეო საქმეთა მინისტრმა გააჟღერა, ადასტურებს რუსეთის ხელმძღვანელობის იურიდიულ და ფაქტობრივ ქმედუუნარობას, - ამის შესახებ უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა განაცხადა.

მისივე თქმით, ომის დასასრულებლად მხოლოდ უკრაინის პირობებია რეალისტური.

პოდოლიაკის თქმით უკრაინის პირობებია შემდეგია : 

• უკრაინის სუვერენული ტერიტორიიდან ყველა ჯარის დაუყოვნებლივ გაყვანა;
• საბოლოო აღიარება იმისა, რომ საბჭოთა კავშირი დაინგრა და პოსტსაბჭოთა ქვეყნებს აქვთ სუვერენიტეტის სრული მასშტაბები;
• ომის დამნაშავეების და ომის ავტორების ექსტრადიცია;
• რუსეთის ფედერაციის ტერიტორიაზე დემილიტარიზაციის ზონის (ბუფერული ზონის) კონსოლიდაცია;
• შეტევითი იარაღის შემცირება (შორი დისტანციის რაკეტები);
• საერთაშორისო კონფერენცია რუსეთის ფედერაციის ბირთვულ არსენალზე კონტროლის ორგანიზების შესახებ;
• რეპარაციების გადახდის კანონიერად ფიქსირებული პროგრამა, მათ შორის უკრაინის სასარგებლოდ სხვა ქვეყნებში ჩამორთმეული რუსული აქტივების ნებაყოფლობითი დათმობა.

შეგახსენებთ, რუსეთის საგარეო საქმეთა მინისტრის მოადგილემ მიხეილ გალუზინმა უკრაინასთან ომის დასრულების ექვსი პირობა დაასახელა. ერთ-ერთი მათგანია, რომ უკრაინამ უნდა "შეწყვიტოს საომარი მოქმედებები და დანებდეს".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი