2023-03-03 17:12:20, 1493 ნახვა

---

ქედის მუნიციპალიტეტის მერმა, ქედაში ყველაზე უხუცეს ქალბატონს 103 წლის ხურმიზ ბოლქვაძეს დედის დღე მიულოცა

ქედის მუნიციპალიტეტის მერმა როლანდ ბერიძემ, ოქტომბრის ადმინისტრაციული ერთეულის წარმომადგენელ ავთო ჩხიკვაძესთან ერთად ქედაში, ყველაზე უხუცეს ქალბატონს 103 წლის ხურმიზ  ბოლქვაძეს დედის დღე მიულოცა.

ქალბატონი ხურმიზი 1920 წელს დაიბადა, მან 19 წლის ასაკში შექმნა ოჯახი სოფელ კუჭულაში. ის 8 შვილის დედაა, ჰყავს 12 შვილიშვილი, 22 შვილთაშვილი და 7 შვილიშვილის შვილიშვილი.

ასევე, დღეს  ,,ღირსეული სიბერე"  ქედის ხანდაზმულთა კლუბის  ორგანიზებით გაიმართა  დედეისა და ქალთა საერთაშორისო დღისადმი მიძღვნილი ღონისძიება, რომელსაც მუნიციპალიტეტის მერი როლანდ ბერიძე და საკრებულოს თავმჯდომარე ამირან ცინცაძე ესწრებოდნენ.  მათ კლუბის წევრ ქალბატონებს დედის დღე  მიულოცეს და ფასიანი საჩუქრები გადასცეს.

დედისა და ქალთა დღისადმი მიძღვნილი კვირეული, დღეს  გაიხსნა და 9 მარტს დასრულდება.

ღონისძიება განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის კულტურული ღონისძიებების მიზნობრიბი პროგრამის ფარგლებში გაიმართა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი