2022-12-22 00:41:04, 2123 ნახვა

---

ბაიდენმა დაამტკიცა ერთი მილიარდი დოლარის დახმარება უკრაინისთვის, მათ შორის, საჰაერო თავდაცვის სისტემა Patriot

აშშ-ის პრეზიდენტმა ჯო ბაიდენმა ხელი მოაწერა მემორანდუმს უკრაინას 1 მილიარდ დოლარამდე სამხედრო დახმარების კიდევ ერთი პაკეტის გამოყოფის შესახებ, იტყობინება თეთრი სახლი.

კიევისთვის სამხედრო დახმარების ახალ პაკეტში შედის პატრიოტის სისტემა, განაცხადა აშშ-ს სახელმწიფო მდივანმა ენტონი ბლინკენმა.

ბლინკენის თქმით, შეერთებული შტატები უკრაინას ჯამში 1,85 მილიარდ დოლარს გამოუყოფს, საიდანაც 1 მილიარდი მოხმარდება „უკრაინის საჰაერო თავდაცვის გაძლიერებას“, მათ შორის „პატრიოტის“ საჰაერო თავდაცვის სისტემების შესყიდვას, ხოლო დანარჩენი 850 მილიონი დოლარი „უსაფრთხოების დახმარებას“ მოხმარდება. .”

უკრაინის პრეზიდენტი, ვოლოდიმირ ზელენსკი თეთრ სახლში აშშ-ის პრეზიდენტ ჯო ბაიდენს ხვდება. ამის შესახებ ინფორმაციას CNN-ი ავრცელებს.

ბაიდენმა მიიწვია ზელენსკი, რადგან მას სჯერა, რომ უკრაინის ომი ახალ ფაზაში შევიდა, განუცხადა ჯონ კირბიმ, ეროვნული უშიშროების საბჭოს სტრატეგიული კომუნიკაციების კოორდინატორმა CNN This Morning-ს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი