13-15 მაისს ქალაქ ბათუმში ტურიზმისა და სასტუმრო აღჭურვილობის რიგით მე-13 ფესტივალი „Expo Batumi Travel 2022“ გაიმართა, რომელშიც  საქართველოს სხვადასხვა მუნიციპალიტეტები, ტურიზმის სფეროში მომუშავე საერთაშორისო და ადგილობრივი ბიზნესის წარმომადგენლები მონაწილეობდნენ.

გამოფენაზე კასპის მუნიციპალიტეტი წარმოადგინეს შპს „თი-ემთი“-მ, შპს „ჯორჯიან ნატურალპროდუქტმა“ და ინდმეწარმე ირმა გოგობერიძემ.

შპს „თი-ემთი“-მ გამოფენაზე დამთვალიერებლებს  საკონსერვო ნაწარმი, ხილის წვენები, მურაბები და მარინადები, ხოლო შპს „ჯორჯიან ნატურალპროდუქტმა“ სხვადასხვა სახის სასმელი შესთავაზეს.

განსაკუთრებული ინტერესი გამოიწვია ირმა გოგობერიძის პროდუქციამ - მრავალი სახეობის თხის ყველმა, ვინაიდან საქართველოში თხის მოშენება და ყველის წარმოება შედარებით იშვიათია.  

კასპის მუნიციპალიტეტს საერთაშორისო გამოფენაში აქტიური მონაწილეობისათვის სერთიფიკატი გადაეცა.

ავტორი: NS (სტატია დაფინანსებულია),

სოციალური ქსელები

გორში პოლიციის წინ საპროტესტო აქცია გაიმართება

პროკურატურამ 6 მოძალადე პოლიციელი დააკავა, მათ ბრალად ედებათ, სამსახურებრივი უფლებამოსილების გადამეტება, ჩადენილი ძალადობით

გორში, პოლიციელთა ძალადობის კადრები ჟურნალისტებმა საკუთარი ფანჯრიდან გადაიღეს

აზერბაიჯანი დამოუკიდებლობის დღეს აღნიშნავს