უკრაინელი დამცველები ქვეყნის აღმოსავლეთში რუსეთის ჯარისთვის გადაულახავ ბარიერად იქცნენ , რაც მტრისთვის დიდი დემორალიზების ფაქტორია. - ამის შესახებ, უკრაინის თავდაცვის მინისტრმა ოლექსი რეზნიკოვმა Facebook-ზე გამოქვეყნებულ მიმართვაში განაცხადა.
„ჩვენი დამცველებისა და გმირობის წყალობით იხსნება ახალი ფრონტები, სადაც მტერი ზარალს განიცდის. მინდა აღვნიშნო ჩვენი ბიჭები აღმოსავლეთში, გადაულახავ ბარიერად იქცნენ მტრისთვის, ეს ფაქტორი ოკუპანტებზე ძალიან დიდ დემორალიზებას ახდენს“, - განაცხადა მან.
რეზნიკოვმა ასევე აღნიშნა, რომ ასობით ათასმა ადამიანმა რუსეთში უკვე გაიგო: ხელისუფლება მათ ატყუებს, რომ უკრაინაში არ არის სპეცოპერაცია, მაგრამ არის "ჩვეულებრივი დაპყრობითი ომი", რომელშიც ათასობით რუსი დაიღუპა.
მინისტრმა აღნიშნა, რომ თვით რუსეთის შიგნით ომის მიმართ წინააღმდეგობა საათობრივად იზრდება.
„ამ დღეებში უკრაინელები რუსებს აჩვენებენ განსხვავებას თავისუფალ ადამიანებსა და მონებს, მოქალაქეებსა და ტირანის მიერ დამონებულებს შორის. ისინი, ვინც წლების განმავლობაში აღფრთოვანებული იყვნენ გაბრაზებული მანიაკით, ახლა განწირულნი არიან ათწლეულების გამოსყიდვისთვის. უკრაინა გაიმარჯვებს!“ - აღნიშნა რეზნიკოვმა.

როგორც ცნობილია, 24 თებერვალს, პრეზიდენტ ვლადიმირ პუტინის მითითებით, რუსეთმა ომი დაიწყო უკრაინასთან. უკვე მეექვსე დღეა, რუსული ჯარები დაბომბავს და ანადგურებს საკვანძო ინფრასტრუქტურას, რაკეტები საცხოვრებელ კორპუსებს ხვდება. უკრაინაში საომარი მდგომარეობა და საყოველთაო მობილიზაცია გამოცხადდა.

ავტორი: ექსპრესნიუსი,

სოციალური ქსელები

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს

რუსეთი სომხეთს ევროკავშირთან დაახლოების გამო ნავთობისა და გაზის მიწოდების შეწყვეტით დაემუქრა

უკრაინამ ტაგანროგში საავიაციო ქარხანა, ვორონეჟში სამხედრო აეროდრომი და ტუაფსეში ნავთობგადამამუშავებელი ქარხანა დაბომბა