2021-09-13 15:30:44, 1714 ნახვა

---

დეკანოზი ანდრია ჯაღმაიძე - ძალიან ცუდია, თუ უკანონო მოსმენები სიმართლეა, კომენტარის გაკეთებას არ ვიჩქარებ

საპატრიარქოს საზოგადოებასთან ურთიერთობის ხელმძღვანელი, დეკანოზი ანდრია ჯაღმაიძე სავარაუდოდ, სუს-ის მიერ გავრცელებულ ფარულ აუდიოჩანაწერებთან დაკავშირებით განცხადებას ავრცელებს.

როგორც ჯაღმაიძე აღნიშნავს, ძალიან ცუდია, თუ უკანონო მოსმენები სიმართლეა, თუმცა აქვე ამბობს, რომ კომენტრის გაკეთებას არ იჩქარებს.

„ძალიან ცუდია თუ სიმართლეა უკანონო მოსმენების შესახებ გავრცელებული ინფორმაცია.

ისე ზოგიერთი ტელევიზიიდან ფაბრიკაციებიც ბევრი გვინახავს, ცილისწამებებიც. სამწუხაროდ თავად ტელევიზიებმა შეგვაჩვიეს, რომ ახალი ამბები "იქმნება" და არა უბრალოდ შუქდება.

ტყუილის და მართალის შერევით კი ყველაზე საშიში ცილისწამებები იქმნება.

ამიტომ კომენტარის გაკეთებას არ ვიჩქარებ», - წერს დეკანოზი.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი