აჭარის ჯანდაცვის სამინისტრო სოფლის ექიმებისათვის მაღალი გამავლობის ავტომანქანებს შეიძენს

2015-02-02 16:42:01, 762 ნახვა

საზოგადოება

აჭარის ჯანდაცვის სამინისტრო ქობულეთისა და ხელვაჩაურის მუნიციპალიტეტების სოფლის ექიმებისათვის მაღალი გამავლობის ავტომანქანებს შეიძენს.

ამის შესახებ „ექსპრესნიუსს“ აჭარის ჯანდაცვის სამინისტროდან აცნობეს.

სამინისტრო პროგრამას გაეროს მოასახლეობის ფონდის თანადაფინანსებით განახორციელებს.

პროგრამაში, გაეროს მოსახლეობის ფონდის ჩართულობის მზადყოფნა ორგანიზაციის ხელმძღვანელმა ზაჰიდულ ჰაქიმ აჭარის მთავრობის თავმჯდომარესთან და აჭარის ჯანდაცვის მინისტრთან გამართულ შეხვედრაზე გამოთქვა.

„სოფლად პირველადი ჯანდაცვის განვითარებაზე ხელშეწყობის“ პროგრამა 2015 წლის ბოლომდე განხორციელდება. პროგრამის ფარგლებში ქობულეთისა და ხელვაჩაურის მუნიციპალიტეტების სოფლის ექიმებს მაღალი გამავლობის 10 ავტომანქანა გადაეცემა.

ცნობისთვის, გასულ წელს აჭარის ჯანდაცვის სამინისტრომ გაეროს მოასახლეობის ფონდის მხარდაჭერით მაღალი გამავლობის 21 ავტომანქანა ხულოს, შუახევისა და ქედის მუნიციპალიტეტების სოფლის ექიმებისათვის შეიძინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან