ჯანდაცვის მინისტრი ეკატერინე ტიკარაძე აცხადებს, რომ ქვეყანაში საწოლფონდის რესურსი შეზღუდულია და ჯანდაცვის სექტორს არ შეუძლია იმ საწოლების მობილიზება, რომელიც ფიზიკურად არ აქვს.

მიისტრმა აღნიშნა, რომ ჯანდაცვის სამინისტრო აკეთებს მაქსიმუმს და საზოგადოებას მიმართა დახმარებისა და მორჩილების თხოვნით, რათა ვირუსი გახდეს მეტად მართვადი და არ იყოს კოლაფსი.

 „საწოლფონდებთან დაკავშირებით ჩვენ არა მხოლოდ მეოთხე ტალღაზე, არამედ პირველი ტალღიდან დაწყებული ვამბობთ, რომ ეს რესურსიც არის შეზღუდული და ჩვენ ვერ შევაგროვებთ, ვერ გავუკეთებთ მობილიზაციას იმ საწოლების რაოდენობას, რომელიც ფიზიკურად არ გვაქვს ან რომელ საწოლებსაც ექიმები ვერ მოემსახურებიან. ესეთი საწოლები არსებობს ბინაში და ჯანდაცვის სამინისტრო, რა თქმა უნდა, ვერ გააკეთებს იმ შეუძლებელს, რაც დღევანდელი არსებული რესურსით, საქართველოში შეუძლებელია.

ჩვენ ძალიან ხშირად გვესმის კრიტიკა, ან დროულად არ მოვემზადეთ, საკმარისად არ მოვემზადეთ, გავაკეთეთ ანალიტიკა და შევადარეთ ჩვენი მობილიზებული საწოლები სხვა ქვეყნებში მობილიზებულ საწოლებს, რასთან მიმართებაშიც გამოიკვეთა, რომ 100 000 მოსახლეზე ჩვენ გვაქვს მობილიზებული 3-ჯერ მეტი საწოლი, ვიდრე დასავლეთის ქვეყნებს აქვთ გაკეთებული. ამიტომ, მე ვთვლი, რომ იმ შესაძლებლობების ფარგლებში, რაც საქართველოში ჯანდაცვის სამინისტროს და მის ყველა უწყებას შეიძლება ჰქონდეს, ჩვენ ვაკეთებთ მაქსიმუმს, თუმცა, რა თქმა უნდა, ეს არ არის საკმარისი და ვთხოვთ საზოგადოებას დახმარებას და მორჩილებას, რათა ეს ვირუსი გახდეს მეტად უფრო მართვადი და არ იყოს კოლაფსი“, - განაცხადა მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა