2021-07-05 13:02:52, 626 ნახვა

---

ირაკლი ქადაგიშვილი - თავი შევიკავოთ ისეთი აქციების გამართვისგან, რომელიც საზოგადოებაში დიდ ვნებათაღელვას გამოიწვევს

თავი შევიკავოთ ისეთი აქციების გამართვისგან, რომელიც გამოიწვევს საზოგადოებაში ძალიან დიდ ვნებათაღელვას, - ამის შესახებ საპარლამენტო უმრავლესობის წევრმა, ირაკლი ქადაგიშვილმა ჟურნალისტებს განუცხადა.

როგორც მან აღნიშნა, დღევანდელ მარშტან მიმართებაში სახელმწიფო და ყველა ორგანო მაქსიმუმს გააკეთებს, რათა დაცული იყოს ადამიანების უსაფრთხოება.

„თავი შევიკავოთ ისეთი აქციების გამართვისგან, რომელიც გამოიწვევს საზოგადოებაში ძალიან დიდ ვნებათაღელვას. ეს ყველასთვის ცნობილი იყო, რომ გამოიწვევდა ვნებათაღელვას და ამას ვუყურებთ რუსთაველის გამზირზე ახლა. ამ შემთხვევაში სახელმწიფო და ყველა ის ორგანო, მათ შორის შსს გააკეთებს მაქსიმუმს იმისათვის, რომ მოქალაქეების უსაფრთხოება იყოს დაცული და არ მოხდეს რაიმე ექსცესი, რაც დააზიანებს ადამიანებს და მოქალაქეებს საფრთხეს შეუქმნის“, - განცხადა ირაკლი ქადაგიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი