2021-06-18 16:40:41, 1190 ნახვა

---

ხატია დეკანოიძე „ტვ პირველის“ ჩანაწერების შესახებ პროკურატურის დასკვნას სასაცილოს და კარიკატურულს უწოდებს

სასაცილოა და კარიკატურულია ეს ყველაფერი, - ასე ეხმაურება „ნაციონალური მოძრაობის“ წევრი, ხატია დეკნაოიძე პროკურატურის მიერ გამოქვეყნებულ შუალედურ დასკვნას, რომლის თანახმად, ირაკლი ღარიბაშვილისა და ბერა ივანიშვილის ფარული აუდიო ჩანაწერები მოდელირებული და გაყალბებულია.

მისი თქმით, პროკურატურას საზოგადოების მხრიდან ყველაზე დაბალი ნდობა აქვს.

„ის ადამიანი, რომელიც წარმოდგენილი იყო ახლა და პროკურატურის სახელით საუბრობდა და ფალსიფიკაციაზე აკეთებდა აქცენტს, უნდა შევახსენოთ საზოგადოებას, რომ ეს ადამიანი მისი უშუალო უფროსების დავალებით ახდენს ძალიან ბევრი პოლიტიკური საქმის ფალსიფიკაციას. ამიტომ, როდესაც ასეთ ბრიფინგზე გამოვა და ვერ ჩამოყალიბდება აუთენტურია თუ არ არის აუთენტური ჩანაწერი, ფალსიფიცრებულია თუ არა, ეს არის იმის დადასტურება, როგორი მართლმსაჯულების სისტემა გვაქვს. ერთი ვერ გავიგე, მილისტები რას ნიშნავს, მგონი უნდა ჩამოყალიბდნენ ქართულად მეტყველებენ თუ რას აკეთებენ, ამიტომ სასაცილოა და კარიკატურულია ეს ყველაფერი“, - განაცხადა ხატია დეკანოიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი