საქართველოს თავდაცვის მინისტრის პირველი მოადგილე ლელა ჩიქოვანი საქართველოში ესპანეთის სამეფოს თავდაცვის ატაშეს შეხვდა. ამის შესახებ ინფორმაციას თავდაცვის სამინისტრო ავრცელებს.

მათივე ცნობით, ლელა ჩიქოვანმა პოლკოვნიკ ანხელ სევილანო კეიპო დე ლიანოს სამხედრო ატაშეს პოზიციაზე დანიშვნა მიულოცა და მომავალ საქმიანობაში წარმატებები უსურვა. თავდაცვის მინისტრის მოადგილემ ესპანეთს საქართველოს სუვერენიტეტისა და ტერიტორიული მთლიანობის მხარდაჭერისათვის მადლობა გადაუხადა.

,,ლელა ჩიქოვანმა ხაზგასმით აღნიშნა, რომ საქართველოს საგარეო პოლიტიკის პრიორიტეტი ნატოსა და ევროკავშირის წევრობაა და ამ კონტექსტით მან ყურადღება თავდაცვის სფეროში განხორციელებულ რეფორმებზე გაამახვილა. შეხვედრაზე საუბარი შეეხო საქართველოს ევროატლანტიკურ მისწრაფებებს, ასევე შავი ზღვის უსაფრთხოების საკითხებს. მინისტრის მოადგილემ ავღანეთიდან ქართველი სამშვიდობოების გამოყვანისა და მომავალში სტრატეგიულ პარტნიორებთან ქართველი სამხედროების თანამშრომლობის გეგმებზეც ისაუბრა. მან აღნიშნა, რომ უმნიშვნელოვანესია საქართველოს ნატოს ოპერაციებში ნატოელ პარტნიორებთან ერთად მონაწილეობის გაგრძელება მსოფლიო უსაფრთხოების უზრუნველყოფის თვალსაზრისით და „მეტი ნატო საქართველოში და მეტი საქართველო ნატოში“ სტრატეგიის იმპლემენტაცია.

ლელა ჩიქოვანმა ნატო-საქართველოს არსებითი პაკეტით (SNGP) გათვალისწინებული ინიციატივების განხორციელების საქმეში, ასევე ნატო-საქართველოს წვრთნებისა და შეფასების ერთობლივი ცენტრის (JTEC) შესაძლებლობების განვითარებაში ესპანეთის წვლილი ხაზგასმით აღნიშნა. ყურადღება გამახვილდა თავდაცვის სფეროში საქართველოსა და ესპანეთს შორის არსებული ორმხრივი თანამშრომლობის გაღრმავების საკითხებზე. განსაკუთრებით აღინიშნა სამხედრო განათლების კუთხით არსებული პროექტები. პოლკოვნიკმა ანხელ სევილიანო კეიპო დე ლიანომ პოლკოვნიკი სესარ გუტიერეს დე ლა კამარა გასული წლის აგვისტოდან შეცვალა“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო