ორფოლოს სამხედრო პოლიგონზე გეგმიური საველე სწავლება დასრულდა

2015-10-06 09:34:12, 908 ნახვა

სამხედრო

ორფოლოს სამხედრო პოლიგონზე მე-3 ქვეითი ბრიგადის გეგმიური საველე სწავლება საბრძოლო სროლებით დაიწყო.

თავდაცვის სამინისტროს ინფორმაციით, წვრთნებში 31-ე ბატალიონის გაძიერებული ასეული და მესამე ქვეითი ბრიგადის საარტილერიო დანაყოფი მონაწილეობდა.

საჩვენებელ საველე სწავლებას დასავლეთ სარდლობის ხელმძღვანელი პოლკოვნიკი მიხეილ სადუნიშვილი და მესამე ქვეითი ბრიგადის მეთაური ვიცე-პოლკოვნიკი როლანდ კიკნაველიძე დაესწრო. საველე წვრთნის დროს მესამე ქვეითი ბრიგადის გაძლიერებულმა ასეულმა თავდაცვითი ოპერაცია აწარმოა.

ოპერაციის შესრულებისას 31-ე მსუბუქი ქვეითი ბატალიონის ასეულს დამოუკიდებლად უნდა გამოეძახებინა საარტილერიო მხარდაჭერა და კოორდინატებიც თავად გადეცა. სწავლების დროს გამოყენებული იყო სხვადასხვა ტიპის ტანკსაწინააღმდეგო შეიარაღება. მეცადინეობისას სამხედრო ხელმძღვანელობამ ქვეითი ასეულის და საარტილერიო დანაყოფის კოორდინირებული მოქმედებები შეფასეს. ს

ამხედრო სწავლება 22 სექტემბერს დაიწყო და დღეს დასრულდა. წვრთნებში მე-3 ქვეითი ბრიგადის არტილერისტებთან ერთად 140 ქვეითი ჯარისკაცი მონაწილეობდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან