მთავრობამ დევნილებისთვის საარსებო წყაროების ხელმისაწვდომობის პროექტი დაამტკიცა, - ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, მთავრობის სხდომის დასრულების შემდეგ ჟურნალისტებს განუცხადა.

„საარსებო წყაროებზე ხელმისაწვდომობა ნიშნავს, დევნილებისთვის დახმარებას, რომ მათ ჰქონდეთ არამხოლოდ საცხოვრებელი, არამედ სამუშაო ადგილები, შემოსავლები მათ შორის მცირე გრანტების პროგრამა და ასე შემდეგ. ეს არის 2 წლიანი სამოქმედო გეგმა. გარდა ამისა, დამტკიცდა კიდევ ერთი მნიშვნელოვანი პროექტი, ეს არის დევნილთათვის სახელმწიფო სტრატეგიის განხორციელების 2015-16 წლების სამოქმედო გეგმა, სადაც დეტალურად არის გაწერილი, რა უნდა გაკეთდეს ამ ორი წლის განმავლობაში“, - განაცხადა სუბარმა.

სოზარ სუბარის ინფორმაციით, მთავრობის დღევანდელ სხდომაზე ასევე, მიღებულ იქნა გადაწყვეტილება და 35 ეკომიგრანტს 1 ლარად ის სახლები გადაეცათ, რომლებიც მათ დაკავებული აქვთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით

თსუ-სთან საპროტესტო აქციის მონაწილეები იკრიბებიან

პრეზიდენტი მატარელა: იტალია ყურადღებით აკვირდება საქართველოს ევროკავშირში გაწევრიანების გზას