აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველი მოადგილე ლევან გორგილაძე და მინისტრის მოადგილე ზურაბ თენიეშვილი ბათუმის რეფერალურ საავადმყოფოში ახალი სამედიცინო სერვისის დანერგვის პროცესს გაეცნენ.

აჭარის ჯანდაცვის სამინისტროს ინფორმაციით, ბათუმის რეფერალურმა ჰოსპიტალმა დასავლეთ საქართველოში პირველმა დაამონტაჟა დენსიტომეტრიის აპარატი, აღნიშნული მაღალტექნოლოგიური სამედიცინო კვლევა განსაკუთრებული სიზუსტით ასახავს ძვალ სახსროვანი სისტემის მდგომარეობას.

„დენსიტომეტრიის ჩატარება განსაკუთრებით მნიშვნელოვანია რეპროდუქციულ ასაკს გადაცილებული ქალებისთვის, ხანგრძლივად ჰორმონოთერაპიაზე მყოფი პაციენტებსთვის და მათთვის ვისაც ოსტეოხონდროზისა და ოსტეოპორზის დიაგნოზი აქვს დასმული. კვლევის ჩატარების შემდეგ ზუსტად დგინდება ძვლების მინერალიზაციის ხარისხი რაც ხანდაზმულ ასაკში სპონტანური მოტეხილობების რისკს მინიმუმადე ამცირებს.

“სამედიცინო კორპორაცია ევექსის” მიერ აღნიშნული სამედიცინო სერვისის დანერგვა განსაკუთრებულ მნიშვნელობას იძენს აჭარის რეგიონისთვის სადაც ჰაერის ტენიანობა მაღალია, რაც რევმატიული და ფილტვის ობსტრუქციული დაავადებების რისკს ზრდის“, -განაცხადა “სამედიცინო კორპორაცია ევექსის” შინაგანი მედიცინისა და ამბულატორიის სერვისების მართვის დეპარტამენტის დირექტორმა მარიკა თოიძემ.

ახალი სერვისის გაშვებასთან დაკავშირებით დღესვე რეფერალურ საავადმყოფოში ჩაქვის რეაბილიტაციის ცენტრის პაციენტებისათვის ჩატარდა უფასო დენსიტომეტრიული კვლევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ