საქართველოს პრეზიდენტი  გიორგი მარგველაშვილი ნატო-ს გენერალურ მდივანს იენს სტოლტენბერგს  ხვდება. 
შეხვედრა პრეზიდენტის სასახლეში გაფართოებულ ფორმატში მიმდინარეობს. 

მარგველაშვილის და სტოლტენბერგის შეხვედრას საგარეო საქმეთა და თავდაცვის მინისტრები, თამარ ბერუჩაშვილი და თინა ხიდაშელი,  ასევე  გენერალური შტაბის უფროსი ვახტანგ კაპანაძე, უშიშროების საბჭოს მდივანი ირინე იმერლიშვილი, პრეზიდენტის ადმინისტრაციის უფროსი დავით პატარაია, პრეზიდენტის მრჩევლები საგარეო ურთიერთობებისა და ეკონომიკის საკითხებში თენგიზ ფხალაძე და გიორგი აბაშიშვილი ესწრებიან. 

"ვიზიტი უაღრესად მნიშვნელოვანია.განსახილველი საკითხები უაღრესად ფართოა.დაწყებული უსაფრთხოების საკითხებიდან, დამთავრებული იმ დემოკრატიული რეფორმებითა და საშინაო დავალებით, რომელიც უნდა შეასრულოს ქვეყანამ. ცხადია, ეს არის აზრთა გაზიარება, ასევე მომავალ ვარშავის სამიტისთვის. ყველაზე მთავარი უკვე მოხდა. ეს იყო იმ ცენტრის გახსნა, რომელიც სულ რამოდენიმე  წუთის წინ გახსნა გენერალურმა მდივანმა, საქართველოს პრეზიდენტმა და პრემიერ-მინისტრმა და ეს არის ის კონკრეტული შედეგი, რომელიც ჩვენ წამოვიღეთ უელსის სამიტიდან და დარწმუნებული ვარ, თანამშრომლობის ამგვარ ჭრილში გაგრძელება ხელს შეუწყობს საქართველოს ალიანსში ინტეგრაციას“,-განაცხადა შეხვედრის დაწყებამდე პრეზიდენტის მრჩეველმა ეკონომიკურ საკითხებში  თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა