2020-05-20 19:47:54, 15942 ნახვა

---

გამყრელიძე - პარასკევიდან ბოლნისსა და თელავში ე.წ. შემთხვევითი შერჩევის პრინციპით ეპიდსიტუაციის კვლევა დაიწყება

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, პარასკევიდან ბოლნისსა და თელავში ე.წ. სერო-პრევალენტობის კვლევა დაიწყება.

მისი თქმით, კვლევები 5 დღის განმავლობაში გაგრძელდება და მასზე დამოკიდებული იქნება, თუ რა დამატებითი ღონისძიებები შეიძლება დაიგეგმოს ბოლნისში.

„ჩვენ ზეგიდან, პარასკევიდან ბოლნისის მუნიციპალიტეტსა და თელავის მუნიციპალიტეტში ვიწყებთ ე.წ. სერო-პრევალენტობის კვლევას, რათა დავადგინოთ, როგორია გავრცელება კოვიდინფიცრებისა მთლიანად ბოლნისის მუნიციპალიტეტში, არა მხოლოდ ორ სოფელში. საკონტროლოდ ავიღეთ კახეთის ერთ-ერთი მუნიციპალიტეტი, კერძოდ თელავი. ე.წ. შემთხვევითი შერჩევის პრინციპით, 5 დღის განმავლობაში, პარასკევიდან მოყოლებული ამ კვლევებს  ჩავატარებთ და ამ კვლევებზე იქნება დამოკიდებული, რა დამატებითი ღონისძიებები შეიძლება დაიგეგმოს ბოლნისში“,- განაცხადა ამირან გამყრელიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი