2020-05-06 10:48:01, 9385 ნახვა

---

მარინა ეზუგბაიას განცხადებით, მათ კლინიკაში ერთი კრიტიკულად მძიმე და ორი საყურადღებო პაციენტი მკურნალობს

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში ერთი კრიტიკულად მძიმე და ორი საყურადღებო პაციენტი მკურნალობს.

მისი თქმით, კრიტიკული პაციენტს აქვს მძიმედ მიმდინარე პნევმონია და ორი თანმხლები დაავადება.

„მძიმე პაციენტებიდან გვრჩება ის ერთი მძიმე. მას აქვს ძალიან მძიმე პნევმონია. არის ასაკოვანი და ორი თანმხლები დაავადება აქვს. მასთან ჯერ არანაირი სტაბილიზაცია არ გვაქვს.

7 პაციენტი გვყავდა საყურადღებო, დღეს შეგვიძლია ვთქვათ, რომ მათთან არ მოხდა დაავადების პროგრესირება და მხოლოდ ორი საყურადღებო პაციენტი გვრჩება.

ჩვენ ახალი პაციენტი არ გვყავს“, - განაცხადა მარინა ეზუგბაიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი