2020-04-17 10:58:24, 7605 ნახვა

---

მარინა ეზუგბაია - ჩვენს ცენტრში, კორონავირუსით ინფიცირებული ექვსივე მოზარდი ქობულეთის კლასტერიდანაა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ ცენტრში მოთავსებული ექვსივე მოზარდი ქობულეთის კლასტერიდანაა.

მისი თქმით, ბოლო 24 საათში, კორონავირუსის დადასტურებული შემთხვევებიდან თბილისის ინფექციურ საავადმყოფოში 4 პაციენტია მოთავსებული.

„ყველა ბავშვი, რომელიც ჩვენ მივიღეთ ქობულეთის კლასტერია და დღეს ერთ-ერთი ოჯახის ერთი ბავშვი შემოგვემატა.

ახალი დადასტურებული შემთხვევებიდან ჩვენთან 4 პაციენტია მოთავსებული.

კრიტიკული გვყავდა 2 პაციენტი და მათთან უკვე სტაბილური მდგომარეობაა. აქედან გამომდინარე შეგვიძლია ვთქვათ, რომ მათი მდგომარეობა გამოჯანმრთელებისკენ იქნება.

დღეს 6 ადამიანთან ველოდებით პასუხს“, - განაცხადა მარინა ეზუგბაიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი